Go tlhotse go le meduduetso le boitumelo kwa motseng wa Silverkraans, Batlokwa BooBogatsu Traditional Council ba ketekile letsatsi la ngwao boswa ka Moletlo-Kapeso wa ga Kgosi Dr. Lesedi Gabriel Motsatsi-Monageng.

Moletlo o o tlotlegang o, o ne o tsenetswe ke baeng ba tlotlego, ba akaretsa Moporemeri Lazarus Mokgosi, Mokhuduthamaga wa lefapha la COGTA Gaoage Oageng Molapisi, Tona ya Motlakase Dr. Ramokgopa,Dikgosi ka go farologana, Tlhogo ya Lefapha Dr Ben Bole le ba babangwe.

Kgaolo e ntšha e simolola fa tlase ga ketapele ya ga Kgosi Motsatsi, e e tlisang tsholofelo le kutlwano mo setšhabeng.